ЭРҮҮЛ ДЭЛХИЙН ТӨЛӨӨ ЦУСАА БЭЛЭГЛЭЦГЭЭЕ
Цэргийн төв эмнэлгээс зохион байгуулж буй “Эрүүл дэлхийн төлөө цусаа бэлэглэцгээе” аянд нэгдэхийг Зэвсэгт хүчний нэгтгэл, анги, байгууллагын нийт офицер, ахлагч, ажилтан албан хаагчид Та бүхэндээ уриалж байна.
Дэлхийн Эрүүл мэндийн байгууллагаас жил бүрийн зургадугаар сарын 14-ний өдрийг “Цусны донорын дэлхийн өдөр” болгон 2004 оноос эхлэн тэмдэглэж ирсэн.
Уг тэмдэглэлт өдөртэй холбогдуулан Цэргийн төв эмнэлгийн хамт олон цусаа үнэ төлбөргүй бэлэглэх юм.
Эрдэнэт хүний амь насыг аврахын төлөө сайн дураараа цусаа бэлэглэдэг ачтан доноруудын ариун үйлсийг сурталчилж, тэднийг олон нийтэд алдаршуулах, талархал илэрхийлэх, цусны донорын эгнээг өргөжүүлэх зорилгоор Монгол Улс энэ жил 17 дахь жилдээ тэмдэглэн өнгөрүүлж байна.
Холбогдох утас: 88074089 /ахмад Н.Жавхлан/, 88079421 /Х.Дорждагва/
